Беларусь басшысы Эммануэль Макронның ешбір мемлекет басқа елдің аумағында ядролық қаруды орналастыра алмайды деген сөзіне осылайша түсініктеме берді.
Беларусь президенті Александр Лукашенко әлемдегі барлық ядролық қаруды бір үйіндіге жинап, жоюды ұсынды, деп хабарлайды БелТА.
Журналистер Александр Лукашенкодан Франция президенті Эммануэль Макронның Қытайға сапары кезінде ешбір мемлекет басқа елдің аумағында ядролық қаруды орналастыра алмайды деген мәлімдемесіне түсініктеме беруін сұрады.
«Мен онымен келісемін. Сондықтан американдықтарға олар орналасқан бес-алты елдегі барлық ядролық қаруды қайтарып алу керек. Әңгіме де осында. Мен бұл тұрғыда негізінен радикалмын. Ядролық қаруды әкелу керек деп есептеймін. Ядролық қарулардың барлығын бір жерге жинап алып, жойып жіберу керек. Осымен бітті. Бұл ең жақсы нұсқа», - деді Александр Лукашенко.
АҚШ-тың бұрынғы президенті Билл Клинтон ирландиялық RTÉ телерадиокомпаниясына берген сұхбатында КСРО ыдырағаннан кейін Украинаның ядролық қарудан бас тартқанына өкінетінін мойындады. Ол егер Киев 1994 жылы атомдық оқтұмсықтарды сақтаған болса, Ресей Федерациясы Украинаға шабуыл жасауға батылы жетпес еді деді.