Саясаткер 2024 жылы АҚШ президенті болу үшін күресінен бас тарта қойған жоқ, мақсатына қол жеткізу жолындағы жұмысын қызу жалғастыруда.
АҚШ-тың бұрынғы президенті Дональд Трамп Нью-Йорк соты оған тағылған айыптарды оқығаннан кейін үндеу жарияламақшы. Бұл туралы Reuters хабарлайды.
Ертең, 4 сәуір күні саясаткер сот залына келіп, суретке түсіп, саусақ іздерін алып, 2016 жылы актриса Сторми Дэниэлспен байланысы болды деген айыпты оқып, танысады.
Өз кезегінде Трамптың баспасөз қызметі соттан кейін АҚШ-тың экс-көшбасшысы Флоридадағы үй-жайына оралып, жауап сөз сөйлеуді жоспарлап отырғанын айтты. Оның адвокаты Джо Такопина Трамптың жақтастары оның кінәлаған барлық айыптарды жоққа шығара алады деп санайды.
Енді саясаткер 2024 жылғы президенттік сайлауға қатысуға дайындалуда. Бұған дейін ол бұл жарыстан шығып кету ниеті жоқ екенін баса айтқан болатын.
Қытайлық Space Pioneer стартапы орбитаға жаңа «Тяньлун-2» зымыранын шығарды
Қытайдың жеке аэроғарыштық Space Pioneer компаниясы (толық атауы Beijing Tianbing Technology Co. Ltd) 2 сәуірде «Тяньлун-2» зымыран тасығышының алғашқы ұшырылымын сәтті жүзеге асырды, делінген компания мәлімдемесінде.
«2 сәуірде жергілікті уақыт бойынша сағат 16:48-де «Тяньлун-2» зымыран тасығышы Қытайдағы Цзюцюань ғарыш айлағынан сәтті ұшырылып, Ай Тайкун Кексюэ («Мен ғарышты жақсы көремін» - қытай тілінде) жер серігін сәтті ұшырды» делінген Space Pioneer хабарламасында.
Space Pioneer жер орбитасына сұйық отынмен жүретін зымыран ұшырған Қытайдағы алғашқы жеке компания болды. Зымыран тасығышта Қытайдың мемлекеттік аэроғарыштық ғылыми-техникалық корпорациясы (CASC) әзірлеген үш YF-102 қозғалтқышы қолданылды.
Ұшырудың негізгі мақсаты зымыран жүйелерін және олардың өзара әрекеттесуін сынау болды. Орбитаға шығарылған спутник жерді қашықтықтан зондтау және жер бетін бейнелеу саласындағы технологияларды сынауға мүмкіндік береді.
«Тяньлун-2» Жердің төмен орбитасына 2 тонна пайдалы жүкті немесе 500 шқ биіктіктегі күн синхронды орбитасына 1,5 тонна жүк шығаруға қабілетті.
Компанияның мәліметінше, Space Pioneer 2018 жылы құрылғаннан бері инвесторларды қаржыландыруға шамамен 3 миллиард юань (438 миллион доллар) жинады.
Соңғы екі кезеңде жиналған қаражат бір ұшыруда орбитаға 60 телекоммуникациялық жерсерікті орналастыруға қабілетті, жүк көтергіштігі 15 тонна болатын екі сатылы «Тяньлун-3» зымыран тасығышын жасауға жұмсалады.