Функцияларды беру АХАЖ қызметін жоюды білдірмейді.
Қазақстанда 1 шілдеден бастап Халыққа қызмет көрсету орталықтарының қызметкерлері азаматтық хал актілерін тіркейтін болады. Бұл туралы ҚР Әділет министрлігі хабарлады.
Қазіргі уақытта АХАЖ органдары тууды, қайтыс болуды, неке қиюды және бұзуды мемлекеттік тіркеуді, азаматтық хал актілерін өзгертуді, толықтыруды, түзетуді, қалпына келтіруді және жоюды жүзеге асырады.
«Қазақстан Республикасының кейбір заңнамалық актілерін жетілдіру, цифрландыруды дамыту, ақпараттық қауіпсіздік және білім беру мәселелері бойынша өзгерістер мен толықтырулар енгізу туралы» заң азаматтық хал актілерін тіркеу ағымдағы жылдың 1 шілдесінен бастап «Азаматтарға арналған Үкімет» мемлекеттік корпорациясына берілсін»
«Бүгінде Мемлекеттік корпорация халыққа мемлекеттік қызмет көрсететін бірден-бір мекеме. Мемлекеттік корпорация әлеуметтік төлемдерді өңдеу, жер учаскелеріне құжаттарды ресімдеу, жылжымайтын мүлікке құқықтарды тіркеу, мемлекеттік тіркеуді жүзеге асыру бойынша қызметтерді қабылдап, жылжымалы мүлік кепілі, жылжымайтын мүлікті техникалық тексеру, заңды тұлғаларды тіркеумен айналысады», - деп атап өтті Әділет министрлігі.
Функцияларды беру АХАЖ органдарын таратуды білдірмейді, олар тиісті құзыреті бар ХҚО-да орналасатын болады.
Азаматтық хал актілерін тіркеу жөніндегі қызметтерге ақы төлеу мөлшерін мемлекеттік көрсетілетін қызметтер саласындағы уәкілетті орган айқындайды.