26 наурызда Түркіменстанда Мәжіліс депутаттары, халық маслахаты және геңгеш депутаттарының сайлауы өтеді. Бұл туралы Independ.kz хабарлайды.
Республика бойынша барлығы 14 872 кандидат ұсынылып, тіркелген. Оның ішінде 258-і ұлттық парламент депутаттығына, 515-і халық маслихаты депутаттығына: велаяттар мен Ашхабад қаласы, 2001 жылғы этрап және қалалық халық кеңесі мүшелеріне, 12098-і Геңгеш депутаттығына кандидаттар. Үміткерлер арасында экономиканың барлық саласының білікті мамандары, түрлі кәсіп пен ұлт өкілдері бар.
Жексенбі күні түркімен азаматтары Мәжілістің 125 депутатын сайлауы керек. Велаят халық кеңесі мүшелерінің сайлауы 240 сайлау округінде, этрап және қалалық халық кеңесі мүшелерінің сайлауы 960 сайлау округінде, Геңгеш депутаттарының сайлауы 5897 сайлау округінде өтеді. Дауыс беру үшін 2644 сайлау учаскесі құрылды. Барлығы 3,5 миллионға жуық сайлаушы тіркелген.
26 наурыз, жексенбі күні таңғы сағат 7-ден кешкі 19.00-ге дейін барлық сайлау учаскелерінде, соның ішінде Түркіменстанның шетелдегі дипломатиялық өкілдіктерінде ашылған учаскелерде дауыс беру өтеді.