Independ.kz - новостной портал.
2023-04-02 15:28
Олигарх Қайрат Боранбаев сегіз жылға бас бостандығынан айырылды

Олигарх Қайрат Боранбаев сегіз жылға бас бостандығынан айырылды

Жұма күні Астананың №2 Сарыарқа аудандық соты Назарбаевтар отбасының бұрынғы құдасына қатысты үкімді кесті. Сот Боранбаевтың мүлкін тәркілеуден басқа, бас бостандығынан айыру туралы шешім шығарды. «АзияГазЧунджа»  бас директоры Роман Наханов пен «QazaqGaz» басқарма төрағасының бұрынғы орынбасары Тайыр Жанұзақ та сегіз жылға бас бостандығынан айырылды.

Олардың барлығы газды қайта сату кезінде 14,5 млрд теңгені жымқырғаны үшін кінәлі деп танылды.

Еске салсақ, 15 наурызда Боранбаевты Алматыда Қаржы мониторингі агенттігі орталық кеңсесінің қызметкерлері ұстаған болатын. 16 наурызда Боранбаев Астанаға жеткізілді. 17 наурызда Алматының экс-әкімі,  «Нұр Отан» (қазіргі «Аманат») партиясы төрағасының бұрынғы бірінші орынбасары Бауыржан Байбек пен Боранбаевтың жерге байланысты  алаяқтығы болуы мүмкін екені белгілі болды. Сол күні Боранбаевтың ұсталғаны ресми түрде расталды.

Сәуірдің 18-і күні «Алматы СпецТехПаркинг Сервис» ЖШС директоры Марат Пірінбеков қамауға алынды. «Алматы спецтехпаркинг қызметі» де Боранбаевпен байланысты. 25 сәуірде Алматыдағы Боранбаев фирмаларының бақылауындағы ақылы автотұрақтардың мемлекет меншігіне қайтарылғаны белгілі болды.

Срочные новости